Hugleysi þeirra sem felast í fjöldanum gerir mig reiða!

Skilst mér að gangan og flest það sem hefur tengst henni hefur farið gríðarlega vel fram. Hinsvegar hef ég einnig komist að því að huglausir aumingjar fela sig innan um fjöldann til þess að geta skaðað aðra!

Það var ráðist á litla bróður minn (18 ára tæplega) þar sem hann var á Ingólfstorgi að fylgjast með gleðinni eins og flestir aðrir Hann hringdi í mig eftir á stórskaðaður og í sjokk, hálfgrátandi að spyrja um ráð.
Hann er núna á leið uppá slysó! Hann er mikið meiddur eftir þessa fólskulegu og óvæntu árás en hann hafði ekkert gert til að eiga slíkt skilið, það eina sem mér dettur í hug er að eitthvað fíflið hafi ætlað að "kenna þessum hommum lexíu"... litli bróðir er ekki einu sinni samkynhneigður! Ég er fjúkandi vond og ef hann hefði ekki bannað mér að fara snemma suður (ætlaði frá Skagaströndinni á Mánudag en fer núna á morgun) þá væri ég komin langleiðina inn á Blöndós núna!

Bróðir minn hefur ekki hugmynd um það hvaða bleyða það var sem veittist að honum. Hann veit ekkert hvaðan á sig stóð veðrið og veit ekki hvernig skal taka þessu. ÉG veit ekki hvernig á að bregðast við þessu! Hvernig stendur á því að fólk leyfir sér að gera eitthvað svona?

*brjáluð í skapinu*

„Stærsta gangan til þessa“

Athugasemdir

[DoctorE (IP-tala skráð) 8.8.2009 kl. 19:44]

Sorglegt... við skulum samt hugga okkur við það að þeir aumingjar sem hata samkynhneigða munu brátt þurfa að fela sig inni í skápum.

What goes around comes around

[Siddi (IP-tala skráð) 8.8.2009 kl. 19:59]

Ertu nu viss að ráðist hafi verið á hann vegna fordóma í garð samkynhneigðra?? Það eru þínir sleggjudómar.  Ef til vill gerði hann eitthvað á móti, þú veist ekkert um það.  Afar fíflalegt hjá þér.

[Ingibjörg Axelma Axelsdóttir, 8.8.2009 kl. 20:12]

Siddi. Þetta kallast einfaldlega að draga ályktanir.

Strákurinn var viðstaddur gleðigöngu, þar sem samkynhneigðir koma saman og hvetja fólk til fordómaleysis gagnvart kynhneigð þeirra.

Bróðir hennar var viðstaddur þessa gleðigöngu. Og af því margmenni sem þarna var viðstatt, varð bróðir hennar fórnarlamb af einhverjum hugleysingjanum sem átti þarna leið hjá. 

Það er alveg óhætt að draga þá ályktun að honum hafi verið eitthvað heitt í hamsi útaf einhverju, og því ekkert óeðlilegra að  áætla að það hafi verið vegna aðstæðna.

Alveg eins og þú átt það örugglega til sjálfur að draga álíkar ályktanir í öðrum málum, hvernig sem þeim er háttað, þótt þú vitir ekkert um aðstæður. 

Auk þess sagðist hún ekki viss um neitt, þetta var bara það fyrsta sem henni flaug í hug. Og telst ekkert óeðlilegt að fólk dragi ályktanir af því fyrsta sem þeim dettur í hug, sérstaklega þar sem hún var ekki viðstödd. En það voru hinsvegar margir aðrir, sem gáfu þessum ályktunum byr undir báða vængi, og útfrá því koma undirstöður af greinarskrifum. 

Rétt eins og þær ályktanir sem þú hefur í þínu greinarsvari.

Afar fíflalegt hjá þér.

[Guðjón (IP-tala skráð) 8.8.2009 kl. 20:27]

Sorglegt að það hafi verið ráðist á bróður þinn á þessum gleði degi þar sem tug þúsundir manna skemmtu sér á Laugarvegi og á Arnarhóli.

Ingólfstorg er hættulegur staður og lögreglan er með öryggismyndavélar þar, þannig að árásarmennirnir ættu að finnast. 

Skemmtidagskrá Hinsegi Daga fór fram á Arnarhóli án vandræða, nema að það var nokkuð þröngt á þingi.

[Guðjón (IP-tala skráð) 8.8.2009 kl. 20:28]

Óska bróður þínum góðs bata og vonandi nást árásarmennirnir.